Rezisti indas – la Germana Fervojo retiris cenzuron post protestoj !

Freiburg, 2007-09-06
merkredo 30a januaro 2008
par  cilalp_france
popularité : 100%

Nenio superatutas la ŝtaton de leĝeco – sed estas karakterize, ke io videblas de ĝi nur tiam, kiam la publiko obstine kaj aŭdeble insistas pri siaj rajtoj. Jen ekzemplo kiel el lernolibro – por demokratoj kaj tiuj, kiuj volas iĝi tiaj : en julio 2007 la AHRIMAN-eldonejo el Freiburg faris mendon ĉe la Germana Fervojo, per kiu ĝi celis reklami per 135 afiŝoj kontraŭ 1690,49 EUR en elektitaj stacidomoj por publika kunveno pri la plej lasta libro de la monde konata biblio-esploristo Hyam Maccoby ; la indikita temo de la aranĝo estis identa kun la librotitolo de la klerulo : "Der Mythenschmied – Paulus und die Erfindung des Christentums" [La forĝisto de mitoj – Paŭlo kaj la invento de la kristanismo]. La 24-an de julio alvenis malakcepto de la Germana Fervojo entenanta la harstarigan "pravigon", ke ĉi tiu afiŝmotivo direktiĝas "kontraŭ la valoroj de la katolika eklezio" ; cetere, ĝi diras – kaj la cinikismo vere ne konas limojn – ke la Germana Fervojo devontiĝis respekti la politikan kaj mondrigardan neŭtralecon", ha ha.

Klara kazo : ĉi tie oni intencis fari atencon en la mallumo, rompi bazan konstitucian rajton sen la scio de la publiko (ankoraŭ la privatigo de la fervojo ne estas finplenumita, kaj ĝia ĉefa akciulo estas la federacia ŝtato). Ĉu oni devas ĉiam denove citi tion ĉi ? Nu do : "Ĉiu havas la rajton libere esprimi sian opinion buŝe, skribe kaj bilde, kaj disvastigi ĝin kaj senmalhelpe informiĝi el ĝenerale alireblaj fontoj. (…) Cenzurado ne okazas." (Artikolo 5.1 de la Baza Leĝo).

Sed la obskuruloj resp. obskurulinoj – estas egale, kio – faris sian tenebran kalkulon sen la mastro – ĝuste la publiko. Ĝin ni nome informis senprokraste per leteroj kaj per amasaj flugfolioj pri la monstra cenzura ago kaj la obskurisma-impertinenta provo guvernaĉi ĝin, el kio rezultis, ke pluraj protestleteroj alvenis al la Germana Fervojo postulantaj la senprokrastan retiron de la cenzura ago, i.a. mesaĝo de Efraim Zuroff, direktoro de la Simon-Wiesenthal-Centro en Jerusalemo, en kiuj esprimiĝis indigno pri tio, ke ĉe la Germana Fervojo evidente ekzistas kontinueco de ĝia procedmaniero ekde 1933 ĝis la nuntempo ; eĉ el la malproksima Uzbekio alvenis protestletero al la centralo de la Germana Fervojo ! Kian kvaliton havas sinteno, kiu vigligas la el la ombroj agantajn cenzuristojn ? Tian, kian ekzemple la letero de la zurika librejo "Books & Bagels" klarigas :

"Bonan tagon, s-ro Schmidt,

kun granda miro kaj malkontento ni eksciis pri via cenzurado kaj la bojkoto koncernantaj la afiŝadon pri la libro "Der Mythenschmied". Pravigcele vi indikas, ke la libro direktas sin kontraŭ katolikaj bazaj valoroj. Kiel juda librejo ni devas demandi al ni, kiugrade bojkoto kontraŭ judaj aŭtoroj en Germanio estas historie kaj politike komprenebla. Krome, oni rigardas kiel mokindaĵon, ke ĉi tiu ago plenumiĝas sub la kamuflilo de neŭtraleco.

La aŭtoro Hyam Maccoby estas tutmonde agnoskata biblio-esploristo, kies dokumentitaj verkoj ĝuas grandan popularecon en akademiaj rondoj. Ĉu vi havas devontiĝon al la preslibereco (aŭ ĉu ĝi fariĝis malplena vorto en la hodiaŭa Germanio ?) aŭ al la Katolika eklezio ?

Ni atendas, ke vi senprokraste retiros ĉi tiun cenzuron, kiu konvenas por honori epokon, pri kiu vi verŝajne ne volas esti memorigita.

kun amikaj salutoj

D. Rittri

Publikeco estas kiel oksigeno por la aernetolera maljusto – la Germana Fervojo retiris sian cenzuron per oficiala sciigo de 2007-09-05. Indis protesti !

Sed gardostarado plu necesas, ĝuste en la lando de la konstitucio-rompoj, kiuj post Willy Brandt rutinece okazas. Malofte pli ĝustis frazo, ol la anekso al la konstitucio de Grekio : "Ĉi tiu konstitucio valoras nur tiom, kiom la gardado de ĝiaj civitanoj." Aparte de tio validas Mateo 12:33 : "Ĉar la arbo estas konata per la frukto."

Pliaj informoj haveblas en KETZERBRIEFE – Flaschenpost für unangepaßte Gedanken n-ro 141, kiel ankaŭ per www.ahriman.com. http://www.ahriman.com/sonstiges/deutsche_bahn_zensur.htm


Annonces

“Secular views in bioethics” Review and Prospects

INTERNATIONAL SYMPOSIUM

Friday, September 30th 2011

Saturday, October 1st , 2011

Campus Universitat de Barcelona

Facultat de Dret de la Universitat de Barcelona

Avda. Diagonal, 684

08034-BARCELO A

Under the auspices of the Observatori de Bioetica i dret and of the Faculte de Droit, universitat de Barcelona (Prof. Maria Casado and Albert Royes)

- Registration form and support – Barcelona symposium

- Registration form and payment (at the order of Libre Pensée) send to : Libre Pensée 10/12 rue des Fossés St Jacques 75005 Paris, France

- Symposium registration + proceedings : 20 €
- Support (50 € and more)

See all the informations in English, French, Spanish, Catalan, Portugais, Neerlandais, Greek